Balon Ki Khushki or Sikri Ka Ilaj 2017

Sardi k mousam ma aksar log khushki ka shikar ho jatay hn. Aesay boht se desi totkay hen jo Balon Ki Khushki or Sikri Ka Ilaj karne ma boht mufeed sabit hotay hen. Balon ki sikri (Dandruff) wo bemari h jis ma balon ki jaron ma sufaid (white) rung ki papri si jum jati ha or sookh k jharnay lagti ha. Iskay sath sath baal b jharnay lagtay hn. Yeh is qadar zada jharti ha k sikri kandhon pe girnay lag jati ha or sar ma kharish ki waja b banti ha. Iss bemari ki waja se logon ma sharmindgi ka ehsas peda hota ha. Boht se Nojawan khushki se tang aa kar sar ganja krwa lete hn. Un nojawanon k lye khushki khatam karne ka tarika urdu/hindi ma pta chalna kisi khushabri se kam nahi ho ga. Yeh Khushki ka ilaj mardon or auraton k lye yaksaan mufeed ha.

Balon Ki Khushki or Sikri Ka Ilaj

Balon ki Khushki Ki Waja

Is se pehly k is bemari ka ilaj btaya jaye, logon ko sar ki khushki ka ilm dena zada zaruri h. Yeh bemari aap kamzori, gandgi, yak hoon ki kami ki waja se ho sakti ha. Sar ma jo ghadood chiknai paida karty hen, un se ratoobat nikal kr sar ma papri jum jati ha. Fungus Infection se b yeh marz lahaq ho sakta ha.

See Beauty Tips for more methods to increase your beauty.

Andon (eggs) Se Balon Ki Khushki Ya Sikri Ka Ilaj

Bara (12) andon ko sakht ubal (boil) kar un ki zardian alag kar k mash kar len. Phir inhen kisi karahi ma dal kar halki aanch pe cholhay par charha den. Is doran chamach baar baar hilatay rahen. Kuch der bad zardion ma se tel (oil) nikalny lagy ga. Iss tel ko kisi saaf bottle ma mehfooz kar len.

Yeh nihayat e mufeed tel ha. Iss ko unglion ki madad se balon ki jaron ma laga kar halka halka massage karen taaky tel jazb ho jaye. Iss se na sirf balon ki khushki ka ilaj ho ga, balkay balon ki afzaaish boht behtar andaaz ma ho gi. Baal sehatmand, chamakdar, mazboot or mulaym ho jain gay. Musalsal istemal se matlooba nataij haasil ho saken gay.

 

Mehndi or Sarson k Tel Se Balon Ki Khushki Ya Sikri Ka Ilaj

Ek desi anda pyali ma daalen, or utni he miqdar ma surkh pissi hui desi mehndi, utna he sarson ka tel or dahi mila len. is baat ka khyal rahay k mehndi chemicals se paak ho or sarson ka tel ek dum khalis ho. Ab in Charon ajzaaon ko mila k paste banain or unglion se balon ki jaron ma lgaain. Kam se kam 5 se 6 ghantay lga rehny den. Iss k bad sar dho len. Chand hafton k istemal se ap ko aesa result milay ga k aap heran ho jain gay.

Balon ko Kala karne or unki nashonuma ke liye mazeed Totke aur Beauty Tips parhne ke liye Zubaida Apa K Totkay Parhen.

Mayonnaise Se Balon Ki Khushki Ya Sikri Ka Ilaj

2 khanay k chamach (spoon) mayonnaise, 2 chaye k chamach glycerin, 1 khanay ka chamach kaalay tilon ka tel, istemal shuda chaye ki patti (used tea). In tamam ajzaaon ko achi tarah se mix kar len or balon ki jaron ma achi tarha se laga len. Phir kisi plastic ya shower cap se sar ko lapet len. takreeban 40 minute tak lagay rehny den. Iskay baad baal dho len. Iss amal ko haftay ma kam az kam do baar dohrain. Ap khud heran reh jain gay k sar ma se khushki kahan chali gai.

Cheeni (Sugar) Se Balon Ki Khushki Ya Sikri Ka Ilaj

Ek chamach dahi, ek chamach sarson ka tel, ek anda, or ek chamach cheeni apas ma mix karen or is mixture ko sar pe lga len. 2 ghantay baad normal pani se sar dho len or shampoo kar len. Musalsal istemal se khushki khatam ho jaye gi.

Leave a Comment

Your email address will not be published. Required fields are marked *

*